KORONADAL CITY – Ginpasiguro sang Commission on Human Rights (CHR)12 nga bukas ang ila talatapan sa mga pumuluo nga posible nga malapas ang kinamatarong sa ginapatuman nga anti-tambay campaign sang mga otoridad.
Ini ang gninsister ni Commission on Human Rights o CHR 12 Regional Director Atty. Erlan Deluvio.
Kaangot ini sa kamanduan ni Pangulong Rodrigo Duterte nga arestuhon ang mga tambay sa dalanon.
Suno kay Deluvio, mahimo nga balibaran sang sinuman ang mga pulis nga magdakop sa ila sa dalanon kun wala sang nagakaigo nga rason ang mga ini.
Apang, ginpa-athag ni Deluvio nga posible sa gihapon nga dakpon ang mga tambay kun may ginlapas ini nga layi ukon lokal nga ordinasa.
Dugang pa sang opisyal, nga kinahanglan nga magsunod sa proseso ang mga pulis kun sa diin ang mga may light offences ang dapat nga buy-an.
Ginpaathag man sini nga indi makabig nga krimen ang loitering ukon ang paglagaw-lagaw sa dalanon.
Kadungan sini, ginkondenar man sang CHR ang kamatayon ni Genesis “Tisoy” Argoncillo, ang 25-anyos nga ginarestar kag napatay bangud sa pagpangulata sa sulod sang presuhan
