KORONADAL CITY- Ginpresentar na kay 6th Infantry Division Commander Brigadier General Cirilito Sobejana ang 3 pa ka Bangsamoro Islamic Freedom Fighters (BIFF) nga nagsungka sa militar sa Datu Odin Sinsuat, Maguindanao.
Sa impormasyon nga ginpalab-ot sang militar, ang mga nagsungka amuh sanday Junior Dia Kaul, Roy Saidali Maningkala kag Bin Tato Sulaiman nga nagdesisyon nga magbalik nalang sa gobyerno bangud sa wala na nasarangan pa nga on-going military operations nga ginkapatay sang ila mga kaupdanan bangud sa serye sang aerial bombardments sa Liguasan Marsh nga ginakuta-an sang terorista nga grupo.
Dugang pa nga ginsungka man sang mga ini ang ila high-powered firearms nga ginakabug-usan sang caliber 7.62mm M14 rifle, caliber 5.56 rifle, M653 carbine rifle kag 2 ka homemade sniper rifles.
Kadungan sang pagsungka sang 3 ka BIFF ginbuyagyag nila nga ginpromisahan suno pa sila sang P6,000 kada bulan bilang insentibo halin sa terorista nga grupo agud makig-away sa tropa sang gobyerno apang sa kadugayon wala man natuman.
Pila sa mga sensitibo nga impormasyon man ang ila ginbuyagyag sa militar nga makabulig sa paglagas sa mga BIFF.
