KORONADAL CITY – Yara na sa isa ka pribado nga punerarya ang isa sa tatlo ka biktima sang vehicular accident nga nagluntad sa siyudad sang Tacurong sa bahagi ng sang Purok Namnama Barangay San Emmanuel sa nasambit nga siyudad makaligad nga nagtaliwan ini.
Sa interbyu sang Bombo Radyo Koronadal kay Bombo correspondent Arnel Palada, ginpakigbahin sang amay ni Justine Ledesma nga si Loren Joe nga gindeklarar sang doktor nga patay na ang iya bata antes mag-ala una sang hapon bangud wala na ginabaton sang lawas sini ang mga bulong.
Nahibaloan nga isa ka grade 12 student si Ledesma sa isang pribado nga buluthoan.
Ginpahayag man sang amay sini nga handa man sila nga buligan sang driver sang wingvan kag pahinante nga nakabunggo sa mga biktima kun sa diin pagahatagan nila sang tig-P50,000 ang mga pamilya nanday Emman Earl Labrador Bores kag Reniel Caballero Suarez.
Samtang P80,000 naman ang financial assistance ang igatanyag sa pamilya ni Ledesma.
Madumdoman nga pauli na kuntani ang mga biktima nagikan sa isa ka internet cafe sa Purok Ilang- Ilang, Brgy San Emmanuel sang gin-araro sila sang isuzu wing van.
