KORONADAL CITY – Nagapadayon sa subong ang imbestigasyon sang mga otoridad sa pagpatay sa isa ka negosyante sa siyudad sang Tacurong.
Ginkilala ang napatay nga si Haji Merandor Tingao Untong, single kag residente sang Purok Inamnama Lambayong Sultan Kudarat.
Sa interbyu sang Bombo Radyo Koronadal kay Pol. Supt Joefel Siason, hepe sang Tacurong City PNP, naguwa sa ila imbestigasyon nga halos 30 minutos nga ginbantayan sang suspek ang biktima kun diin nakaangkon pa sang pagsabtanay ang duha antes ini nga naluthang sang suspek.
Nakaangkon sang duha ka igo sang bala ang biktima nga gintunaan sang kamatayon sini.
Nakarekober sa crime scene ang isa ka empty shell sang cal 45 nga gingamit sang suspek sa pagpaslang sa biktima.
Gilayon naman nga nagpalagyo ang suspek matapos himuon ang krimen.
Kwestyunable naman sa subong ang identity sang biktima bangud sa nagkalain-lain nga address sini.
