-- ADVERTISEMENT --

KORONADAL CITY – Ginbawian sang kabuhi ang duha ka menor de edad samtang isa naman ang pilason sa nagluntad nga pag-arado sang Isuzu wing van sa isa ka motorsiklo sa siyudad sang Tacurong.

Ginkilala ang mga napatay nga sanday Emman Earl Labrador Bores, isa ka TESDA scholar kag Reniel Caballero Suarez nga driver sang motorsiklo.
Samtang, yara naman sa kritikal nga kondisyon ang isa pa ka sakay nga si Justin Ledesma.

Suno kay Bombo Correspondent Arnel Palada, papuli na kuntani ang mga biktima gikan sa isa ka internet cafe sa Purok Ilang- Ilang, Brgy San Emmanuel sang gin-arado sang Isuzu wing van.

Halos indi na makilala ang mga biktima bangud sa aksidente.

Boluntaryo naman nga nagsungka ang driver sang van sa mga otoridad.

Sa subong nagapadayon ang imbestigasyon sang mga otoridad sa insidente.