Mga Brgy. kag SK officials ginsungka ang mga armas sa Maguindanao

KORONADAL CITY- Ginsungka sang mga local leaders sang Datu Blah Sinsuat, Maguindanao ang ila mga unlicensed firearms sa tropa sang 6th Infantry Division Philippine Army.

Kadungan sang mass oath taking sang newly-elected Barangay kag Sangguniang Kabataan (SK) officials naglab-ot sa 24 nga loose firearms ang ginsungka sang mga local officials nga naghalin sa 13 barangays sa nasambit nga banwa pinaagi sa Balik-Baril Program sang gobyerno.

Suno kay Brig. Gen. Cirilito Sobejana, dako ang mabulig sini agud mapabilin ang kaayuhan sa ila nga lugar kag agud mahagan-hagan ang kriminalidad.

Gin-awhag man sini nga magbulig ang mga opisyal sa pagmonitor sang mga loose firearms sa ila mga barangay bilang responsibilidad sang mga ini.