KORONADAL CITY – Balik na sa normal ang estado sang Osaka kag kaiping nga mga lugar sa Japan makaligad ang pagtay-og sang 6.1 magnitude nga linog kahapon.
Suno kay Gretha Jerez, nga nagapuyo sa Nagoya, Japan apang taga- General Santos City sa interbyu sang Bombo Radyo Koronadal, napagkit ang mabaskog nga linog nga nagtuga sang damyos sa mga dalanon kag mga edipisyo apang ginalauman nga makay-o ini gilayon bangud sa madasig nga aksyon sang gobyerno sang Japan.
Dugang sini, hugot nga ginapatuman sang mga telecommunications didto ang text alert sa tanan nga mga pumuluyo labi na sa tunga sang kalamidad agud mapahibalo sa mga tawo kun ano ang nagakatabo sa ila pungsod kag ano ang dapat himoon sa tion sang kalamidad.
Base sa pinakaulihi nga datos, tatlo ang napagkit nga patay samtang masobra 200 ang pilason sa nasambit nga linog.
Una nga ginpasiguro sang Dept. of Foreign Affairs nga wala sang Pinoy nga naulamid ukon napilasan sa nasambit nga pagtay-og.
