KORONADAL CITY- Ginkalipay sang mga mangingisda ang pagkabawi sang 220,00 square kilometers nga palaisdaan nga nagasakop sa 29 ka mga banwa kag duha probinsya nga ginakabug-usan sang Maguindanao kag North Cotabato.
Nahibaluan nga bangud sa nagapadayon nga military operations, nabawi ang fishing areas sa Liguasan Marsh nga kontrolado sang local kag foreign terrorist nga nagbilin sang 23 nga patay sa bahin sang mga bandido.
Dugang pa nga madugay na suno pa nga naga-antos ang mga mangingisda bangud sa pagpangharass sang mga terorista partikular na sa SK Pendatun kun sa diin pila ka bulan sila nga wala nakapangisda nga isa man sa nagapanguna nga ginakuhaan sang palangabuhian sang mga residente sa nasambit nga lugar.
Ginkumparar pa ang sitwasyon sang Liguasan Marsh sa sitwasyon sa West Philippine Sea apang sa sini nga tion, Indonesians ang nagakontrol kag indi Chinese.
Nahibaluan nga yara sa masobra 500 ka mudfish kag catfish fishermen ang apektado sang pagpangharass sang ISIS inspired terrorist sa Liguasan Marsh.
Ginpasiguro naman ni 6th Infantry Division Philippine Army Spokesperson Captain Arvin Encinas nga magapadayon ang paglagas sang militar sa mga terorista sa lugar.
