KORONADAL CITY – Tuman ka damo sang mga maltreated OFW nga nagahulat sang bulig sang Philippine Embassy kag POLO-OWWA sa pungsod Kuwait.
Ini ang ginbuyagyag ni Richie Darle Peñafiel Isidro, Pinay DH nga nangin biktima man sang pagpang-abuso sa nasambit nga pungsod.
Suno kay Isidro, antes siya nga nakapauli sa Pilipinas sang Hunyo 13, may naistorya siya nga Pinay DH nga taga-Tboli, South Cotabato nga ginkilala lamang kay Maritess nga ginrape kag ginlubong-buhi sang amo.
Apang, maayo na lamang kay nabuligan ini sang drayber sang iya man ginatrabahuan kag nadala siya sa Philippine embassy.
Magluwas sa ila, may Pinay DH man nga nakapalagyo sa employer bangud sa pagpanakit sa iya, apang nadakpan ini liwat kag wala na gid mabuhi bangud gin-chop-chop ang lawas sini kag mangin ang iya ulo ang indi na makita.
May OFW man nga halos mabulag sa pagkulata sang utod sang amo sini kag may yara man sang napatay makaligad nga gintiro sang employer sini.
Suno pa gani kay Isidro antes siya nga nakapauli sa pungsod may 5 ka bangkay sang mga Pinay DH nga yara sa Pilippine embassy.
Nahibaluan nga halos tanan nga pungsod ang nagpatuman sang deployment ban sa Kuwait bangud sa kapintas sang mga Kuwaiti magluwas lamang sa Ethiopia.
