KORONADAL CITY- Magatililipon subong sa mga moske kag mga dalagkuan nga lugar ang mga kauturan nga Muslim para sa selebrasyon sang Eid al-Fitr bilang pagtakop sang Holy month of Ramadan.
Sa ekslusibo ngga interbyu sang Bombo Radyo Koronadal kay South Cotabato Muslim Affairs Chief Sultan Mutalib Sambuto,temprano pa nga nagpadulong sa mga moske kag mga dalagkuan nga mga espasyo ang mga Muslim para sa pagahimuon nga sembahyang ukon pagpangamuyo bilang kabahin sang pagtakop sang Ramadan kag selebrasyon sang Eid al-Fitr.
Samtang lauman naman ang engrande nga handaanay sang Muslim community kun sa diin madamo nga mga kanding kag baka ang paga ihawon para sa nasambit nga selebrasyon kag adlaw man ini sang paghatag sang regalo bilang kabahin sang selebrasyon kag pagpakita sang paghigugma sa isa kag isa.
