KORONADAL CITY- Nakapauli na sa Pilipinas ang Pinay Overseas Filipino Worker nga nareport nga ginkidnap sa pungspd Kuwait sini nga nakaligad nga adlaw.
Sa pagpapalab-ot sang impotmasyon sang Bombo Radyo kag ni Bombo Correspondent Boyet Forro sa embahada sang Pilipinas sa Kuwait, nahibaluan nga residente gali sang Buluan, Maguindanao si Saida Laguilayan kag naga eskwela lamang sadto sa syudad sang Tacurong.
Dugang pa nga sa imbestigasyon, natukiban nga ang amo nga lalaki ni Saida ang naggkidnap sa Pinay makaligad nga makigbulag ini sa babayi nga employer ni Saida.
Nahibaluan nga ginreview ang CCTV footage makaligad nga mareport nga missing ang Pinay kag natukiban nga ang amo lang gali sini nga lalaki ang may kahimuan sa pagkidnap kay Laguilayan.
Gilayon naman nga nagpakig-angot sa mga otoridad kag gintawagan ang amo sini nga lalaki rason nga napilitan ini nga ibalik ang Pinay OFW kag ginpapuli ini sa pungsod makaligad ang insidente.
