KORONADAL CITY– Tingob-pwersa sa subong ang 6th Infantry Division Philippine Army kag 33rd Infantry Battalion sa paglagas sang ginapatihan 5 ka foreign jihadist kaupod ang ISIS-inspired Bangsamoro Islamic Freedom Fighters sa General Salipada SK Pendatun.
Ini makaligad ang asod-asod nga engkwentro sang tropa sang gobyerno kag mga terorista sa nagkalain-lain nga banwa sa Maguindanao.
Suno kay 6th Infantry Division spokesman Captain Arvin Encinas, ginalagas nila ang mga foreign jihadist nga ginapamunuan ni Salahuddin Hassan alyas Orak nga ginapatihan na-trap sa nasambit nga lugar matapos maguba sang air strikes kag artillery bombardment ang bangka nga pagausaron kuntani sang mga ini sa ila nga pagpalagyo.
Nahibaluan nga sa nasambit nga engwkwento ginalauman nga magasaka pa ang numero sang mga napatay nga BIFF members bangud madamo pa sang mga malala nga napilasan sa nagluntad nga engkwentro.
Samtang, isa ka katapu sang 33rd IB ang patay nga ginkilala kay PFC Garry Quitor sa nasambit nga engkwentro.
