KORONADAL CITY- Nagpangibabaw ang Bayanihan System sa pagtapna sang kalayo sa nagluntad nga sunog sa Koronadal City Public Market pasado alas 11 sang udto subong nga adlaw.
Sa ekslusibo nga interbyu sang Bombo Radyo Koronadal kay Gng. Arlene Lacabang, tag-iya sang nasunog nga stall nga naghalin suno pa sa nagsigabong nga gas stove ang kalayo kun sa diin nagpanic ang mga ini apang maayo na lamang nga nagbuligay ang mga tao sa palibot agud nga matapna ang kalayo.
Ginabulubanta nga yara sa P7,000.00 ang napagkit nga damyos samtang nagapadayon naman ang imbestigasyon sang Koronadal City Fire Station.
Madumduman nga sang nakaligad nga Oktubre 2017 sang masunog man ang Koronadal City public market kun sa diin halos tanan nga stalls ang naabo kag nagapadayon pa ang clearing operations kag wala pa nakarekober ang mga vendors.
