KORONADAL CITY – Nagapanawagan subong sang hustisya ang pamilya sang isa ka 5 ka tuig nga bata nga babayi makaligad nga ginlugos kag ginpatay sang kaupod sang iya tiyo sa ilimnan sa Brgy. Poblacion, Tampakan South Cotabato.
Suno sa Tampakan PNP, ginreport pa sang iloy isini nga nadula si Alyas Mae kag makaligad ang pila ka adlaw nga pagpangita nasapwan na lamang ang bangkay sang biktima sa isa ka lugar sa nasambit nga banwa.
Nag-gwa sa imbestigasyon sang kapulisan nga bag-o pa man nagluntad ang krimen, nakaupod pa sang tiyo sang biktima ang suspek nga ginkilala lamang sa pangalan nga Sandro Ogdamin.
May nakakit naman suno pa sa suspek nga ginahatagan sini sang kwarta ang biktima kag wala ini nag upod rason nga ginpilit sini ang bata.
Nagboluntaryo pa ang suspek sa pagpangita sa biktima apang sang may nagtudlo na sa iya nga sya ang ulihi na ini nga nakit-an nga kaupod sang bata nagpalagyo ini.
Sa Karun nagapadayon ang manhunt operation batuk sa suspek.
Nahibaluan nga magaselebrar pa kun tani sang iya ika anum nga kaadlawan si Alyas Mae sa hunyo 16, 2018
