KORONADAL CITY- Nagtuga sang panic kag kahadlok sa mga byahero kag mga pumuluyo ang gintanom nga Improvised Explosive Device sa isa ka duag blue nga multicab sa Guindulungan, Maguindanao.
Sa ekslusibo nga interbyu sang Bombo Radyo Koronadal kay Jing DeRamos, ginabulubanta nga yara sa masobra 300 ka mga pasahero ang kaupod sini nga na stranded sa dalanon makaligad ginkordon sang militar kag Maguindanao PNP ang nasambit nga salakyan nga nagpositibo sa nasambit nga eksplosibo.
Nahibaluan nga kadamuan sa mga na stranded nga pasahero ang padulong sa North Cotabato kag ang iban naman ang pabalik sa Sultan Kudarat kag South Cotabato.
Ginatudlo naman ang Bangsamoro Islamic Freedom Fighters nga yara sa likod sang pagbutang sang nasambit nga IED nga kabahin sang ila retaliation sa ginpatigayon nga military operations sa Liguasan Marsh nga ginkapatay sang 15 ka katapo sang mga ini kagg nagresulta sa pagkadakop sa 2 ka mga bomb makers nga sanday Ustadz Anwar Ali, kag asawa sini nga si Asnaya Ali.
