KORONADAL CITY– Nabatyagan na suno pa sang mga Overseas Filipino Workers kag mga residente sang Singapore ang tuman ka hugot nga seguridad nga ginapatuman sa nasambit nga pungsod angot sa North Korea kag US summit nga pagapangunahan sang mga dalagkuan kag kontrobersyal nga mga world leaders nga sanday Kim Jong Un kag Pres. Donald Trump.
Suno kay Bombo International Correspondent Liezl Cawte, masobra 10 ka tuig na nga naga istar sa Central Singapore kag nagapangasawa sang isa ka British national, kun sadto suno pa hugot ang seguridad sa nasambit nga pungsod, sa karun mas nag triple pa subong ang pagpahugot sang seguridad kun sa diin ang ila nga transportasyon ang apektado bangud wala sang mga bus nga nagabyahe ilabi na sa sentro makaligad gin divert ang ruta.
Samtang sa pihak nga bahin, hugot naman nga ginadumilian ang pagpatigayon sang hublag protesta sang mga pumuluyo o apisar ano man nga forum bangud magapanabat ang mga ini sa layi.
Luyag suno pa sang Singapore nga nagakadapat sila nga host country sa nasambit nga maragtason nga pagkit-anay kag pagsinapol nanday US Pres. Donald Trump kag North Korean leader Kim Jong Un.
Samtang nahibaluan nga si Kim ang nagapabilin subong sa St. Regis hotel samtang si Trump naman ang yara sa Shangri-La hotel sa Sentosa.
