KORONADAL CITY- Nagapatigayon sa gihapon sang clearing operations ang militar , makaligad ang madinalag-on nga air operations kun sa diin target ang pagwasak sa IED factory sa Liguasan Marsh sang DAESH-Inspired Terrorist kag nagresulta sa pagk arestar sang bomb expert sa Maguindanao.
Kun madumduman nga 15 ka Bangsamoro Islamic Freedom Fighters (BIFF) ang patay samtang 12 naman ang pilason sa operasyon nga ginpangunahan sang 33rd Infantry Battalion kag 4th Special Action Battalion kag 61st Division Reconnaisance Company nga nagresulta man sa pag kaarestar sang bomb expert kag asawa sini.
Ginkilala naman ang bomb expert nga si Ustadz Anwar Ali, 22, kag asawa sini nga si Asnaya Ali, 20 nga yara sa likod man sang serye sang mga pagpamomba sa Maguindanao kag kalapit nga mga probinsyahanan.
Samtang sa pihak nga bahin yara na sa nagkalain-lain nga evacuation centers ang nilibo ka mga bakwit kag ginalauman naman ang retaliation sang BIFF kasunod sang military operation
