KORONADAL CITY-Ginkumpirmar sang Department of Public Works and Highways ang pag-collapse sang kisame sang Multi-Purpose building sang isa ka ahensya sa rehiyon 12.
Nahibaluan nga una na nga gindangat sa Bombo Radyo Koronadal sang isa ka concerned citizen ang angot sa nasambit nga isyu kun sa diin ginasiling nga suno pa gin anunsyar sang Regional Director sang nasambit nga ahensya nga indi dapat maglapta ang impormasyon angot sa nag collapse nga building agud nga indi maguba ang ila nga imahe sa rehiyon.
Dugang pa sang impormante nga nagakabalaka sila kun nga-a indi suno pa luyag ipahibalo ang angot sa nag collapse nga building kag posible suno pa nga may ginatakpan ang matuod nga natabo kasubong sang problema sa contractor sang nasambit nga proyekto.
Samtang sa interbyu sang Bombo Radyo Koronadal kay Ellen Torino, Information Officer II kag Chief sang Public Affairs and Information staff sang DPWH, nagdihon na sila sang ng Technical Working Group agud imbestigaran ang pag collapse sangkisame sang nasambit nga building.
Sa subong ginapakamaayo anay sang Bombo nga indi pag ibutang ang pangalan sang ahensya bangud nagapadayon pa ang imbestigasyon sang Investigative Report Section sang Bombo Radyo Koronadal kun ang ahensya bala nga ginatumod sang impormante sang Bombo ang matuod nga nagapanag-iya sang nasambit nga nag collapse nga building.
