4 patay, 76 nag positibo dahil sa HIV-AIDS sa South Cotabato

KORONADAL CITY- Naglab-ot na sa 76 nga inidibidwal sa bug-os sa probinsya sang South Cotabato ang nagpositibo sa HIV-AIDS subong nga tuig.

Ini ang ginpahayag ni IPHO HIV-AIDS focal person nga si John Arlo Codilla sa interbyu sang Bombo Radyo Koronadal.

Sa 76 nga numero, 4 ang babaye kag may isa pa nga buntis samtang kadamuan naman mga lalakio kag 4 ang ginbawian sang kabuhi.

Sa nasambit nga datus, nagapakita laman ini nga mas mataas ang record subong nga tuig apang nagakahulugan naman nga mas nangin bukas na ang mga pumuluyo sang probinsya sa HIV testing.

Nakabulig man ang mga kumbuyuhan sang Provincial Health Office para sa awareness sa nasambit nga balatian mangin man ang HIV mobile testing kag centers.