KORONADAL CITY- Ginpasakaan na sang kaso ang 2 ka mag-utod nga nag maoy bangud sa tuman nga pagkahubog nga nagresulta sa pagpamuno sang mga ini sa kaugalingon nila nga iloy kag utod sa Prk. San Jose Brgy. New Isabela, Tacurong City.
Sa impormasyon nga nakuha sang Bombo Radyo Koronadal ang mga suspek ang ginkilala nga sanday Larry Olyante Malinaw, 41 anyos, single, laborer kag si Crisanto Olyante Malinaw 49 anyos, may mga asawa kag mga residente sang nasambit nga lugar kun sa diin yara ang mga ini sa impluwensya ang makahulubog nga ilimnon sang mag maoy ang mga ini kag makaangkon sang mainit nga komosyon nga nagresulta sa pagpamuno sang mga ini sa ila iloy nga si Julieta Olyante Malinaw 75 anyos kag utod nga si Melvin Olyante Malinaw 42 anyos, single, laborer nga mga residente man sang nasambit nga lugar.
Nakaangkon ang mga biktima sang malala nga mga pilas kun sa diin sa karun yara na sa estable nga kondisyon ang iloy nila kag ang isa ka utod ang padayon nga gina obserbaran.
