KORONADAL CITY- Nagapaayo na sa karun sa isa ka balay bululngan sa banwa sang Polomolok, South Cotabato ang apat ka persona nga sakay sang isa ka R44 Raven II helicopter nga nagtibusok sa Sitio Glandang, Brgy. Kablon Tupi South Cotabato.
Sa ekslusibo nga interbyu sang Bombo Radyo Koronadal kay Brgy. Kablon kapitan Osting Tilo, nangin pabudlayanay ang pagrescue nila sa mga sakay sang helicopter bangud sa malain nga dalagan sang paniempo kag surudlon pa ang nasambit nga sitio.
Ginkilala ang mga sakay sang helicopter nga sanday Captain Dennis Figueroa mga pasahero nga sanday Jorge Gonzales, 2 ka mga dumuluong halin sa Europa nga sanday Cecilia Donaire, ka Alica Bengco, nga nakaangkon sang mga pilas sa ila nga lawas.
Nahibaluan nga halin sa Davao City ang mga sakay sini kag padulong kun tani sa Surallah, South Cotabato sang magtibusok ini takna alas 10 sang kaagahon samtang nahibaluan man nga ang chopper ang ginapanag-iyahan suno pa ni Davao City Mayor Sara Duterte-Carpio kag gin arkilahan lamang sang isa ka pribado nga kumbuyuhan.
