KORONADAL CITY – Isa ang patay samtang duha naman ang pilason sa nagluntad nga aksidente sa banwa sang Banga, South Cotabato
Ginkilala ni Police Chief Inspector Verlin Pampolina ang napatay nga biktima nga si Mary Joy Eskolta, 24 anyos nga residente sang Lagao, General Santos City samtang ang mga pilason amo sanday James Llyod Caballero, driver sang motorsiklo kag Danny Dacullo.
Naguwa sa inisyal nga imbestigasyon sang mga otoridad nga ang motorsiklo nga ginasakyan sang mga biktima ang natumba sa national highway nga gintunaan sang pagkamatay sang biktima.
Suno kay Pampolina, nadulaan sang kontrol ang driver nga si Caballero samtang ginausoy ang dalan gikan sa Banga padulong sa siyudad sang Koronadal.
Wala suno pa natalupangdan ni Caballero nga yara ini sa punta sang four lanes sang highway sa Barangay Reyes kag malapit na sa Banga Bridge
