-- ADVERTISEMENT --
KORONADAL CITY- Naghikog ang isa ka lalaki sa Prk. Mabuhay Brgy. San Isidro syudad sang Koronadal bangud sa ginabatyag sini nga mga balatian.
Sa interbyu sang Bombo Radyo Koronadal sa utod sini nga si Flor, ginkilala ang naghikog nga si Florencio Tibor Delos Santos, 45 anyos may asawa kag mga kabataan kun sa diin nagsugod suno pa ini nga madepressed makaligad nga ma-mild stroke kag makaangkon sang diabetes.
Masami man suno pa ini nga nagahilibion kag ginapangamuyo nga mapatay nalang kun tani ini bangud sa komplikado nga mga balatian.
Usar ang electrical wiring , naghikog ini kag nasapwan na lamang nga wala sang kabuhi.
