KORONADAL CITY – Nagapadayon ang imbestigasyon sang mga otoridad kun sin-o ang yara sa likod sang natukiban nga Improvise Explosive Device ukon IED malapit sa detachment sang CAFGU sa Barangay Lamba, Banga, South Cotabato.
Ini ang ginpahayag ni Pol. Chief Inspector Verlin Pampolina sa interbyu sang Bombo Radyo Koronadal.
Suno kay Pamplona, isa ka anti-personnel IED ang narekober sang mga otoridad kun sa diin target sini ang pipila ka mga personnel sang kasuldaduhan ukon CAFGU sa nasambit nga lugar.
Samtang, gilayon naman nga nagresponder ang South Cotabato Explosive Ordnance Disposal Team kag Banga PNP ang lugar agud madefuse nakit-an nga IED.
Isa naman sa nakit-an nga rason sa pagbilin sang nasambit nga IED amo ang personal nga kaagig sa mga katapo sang CAFGU.
