KORONADAL CITY- Nagbubo ang pagpangasubo sa kamatayon ni former Koronadal City Councilor Gregorio Ogoy sa edad nga 69 anyos.
Sa interbyu sang Bombo Radyo Koronadal sa bata sini kag kasamtangan nga konsehal sang Koronadal nga si Prechie Louella Ogoy nga alas 8 kagab-i sang gin-atake sang iya nga ubo ang anay konsehal kag nagresulta sa respiratory arrest nga gintunaan sang iya nga kamatayon.
Samtang sa karun yara na sa isa ka pribado nga punerarya ang anay konsehal kun sa diin wala pa matalana ang lubong sini.
Suno naman kay Coucilor Prechie, naglab-ot sa 15 ka tuig ang pagpanerbisyo sang iya amay sa syudad antes nga nagtaliwan.
Legasiya naman sang amay sini amuh ang magpanindugan sang kaugalingon nga prinsipyo kag pagserbisyo sang tampad sa publiko.
