KORONADAL CITY- Nagapangatubang subong sa nagkalain-lain nga mga kaso ang isa ka myembro sang Parang Municipal Police Station sa Maguindanao makaligad matukiban nga indi gali ini matuod nga pulis.
Sa impormasyon nga ginpagwa sang Parang PNP ang suspek amuh si PO2 Jaded Ibrahim Magondacan nga natukiban nga isa gali ka peke nga pulis makaligad suno pa nga maghimo sang mga peke nga mga dokumento agud makasulod sa PNP kun sa diin gin-usar man sini ang pangalan sang iya nga utod.
Bangud sini tigayon na ini nga ginpasakaan sang kaso nga Usurpation of Authority, Falsification of Public Documents kag kaso nga paglapas sa RA 10591 o Illegal Possession of Firearms and Ammunition.
Ginkumpiskar man ang ginhatag nga armas luthang kag PNP ID kay Magondacan, samtang suno naman sa iban pa nga mga kaupdanan ni Magondacan, sa pihak sang pagpameke sang mga dokumento nangin aktibo suno pa nga myembro ini sang Parang PNP kun sa diin nangin frontliner pa ini sa paglagas sa mga durugista kag pagdakop sa mga myembro sang rebelde nga grupo sa Maguindanao raso nga tuman ang pagmahay sang iya mga kaupdanan.
