Halos 1,000 residente apektado sang baha kag landslide sa Sultan Kudarat

KORONADAL CITY- Halos ma-isolate ang 2 ka mga barangay sa banwa sang Bagumbayan sa probinsya sang Sultan Kudarat makaligad nga maka eksperyensya sang tuman nga landslide kag pagbaha bangud sa napagkit nga mabaskog nga pagbubo sang ulan.

Suno sa Bagumbayan Municipal Risk Reduction and Management Council,bangud sa tuman nga pag-ulan, nakabatyag man sila sang kawad-an sang suplay sang kuryente kun sa diin ginabulubanta nga yara sa 1,000 ang mga residente nga apektado sang Brgy. Masiag kag Brgy. Chua.

Pabudlayanay man ang mga motorista halin sa nasambit nga mga barangay nga makaabot sa national highway bangud sa malutak nga dala kag pagtiphag sang duta nga nagabalabag sa dalan