KORONADAL CITY – Yara na sa kustodiya sang mga otoridad ang 2 ka ginakabig nga prime suspects sa pagpamomba sa Christ the King Cathedral saa syudad sang Koronadal makaligad nga maarestar sa ginpatigayon nga operasyon sang mga otoridad kahapon nga adlaw.
Ginkilala ang mga suspek nga sanday alyas Karno nga residente sang Maguindanao kag alyas Alihan nga residente naman sang Sultan Kudarat.
Natikma ang mga suspek sa ginpatigayon nga anti-drugs operation sa Kings Compound, Brgy. GPS, Koronadal City makaligad nga mahibaluan nga konektado man ag mga ini sa pagbaligya sang iligal nga droga kag iban pa nga krimen.
Nakuha naman sa posisyon sang mga suspek ang ginapatihan shabu, mgar armas luthang kag karnap nga motorsiklo.
Natalana naman nga pasakaan sang nagakaigo nga kaso ang mga suspek.
