KORONADAL CITY- Ginkumpirmar ni Bombo International Correspondent Boyet Forro nga nakapauli na sa Pilipias ang Pinay Domestic Helper sa Dammam, Saudi Arabia nga si Faith Batulina, 26 anyos kag residente sang Brgy. Zone II Koronadal.
Base sa impormasyon nga ginpalab-ot ni Bombo Boyet, natalana kun tani nga tapuson sang nasambit nga Pinay DH ang iya 7 ka bulan pa nga kontrata apang nakaangkon ini sang prblema kun sa diin napreso pa ini makaligad ma raid ang puluy-an sang iya nga amo kag natukiban nga iligal ang iya mga dokumento.
Kaupod man sini nga napreso ang iya nga amo bangud sa mga iligal man sini nga hilikuton.
Kun madumduman nga una na nga nagpalapit sa Bombo Radyo Koronadal ang utod sini nga si Famila agud mabuligan ang iya nga utod.
Nahibaluan nga abusado ang mga employer sang Pinay DH kun sa diin halos wala na suno pa ini sang pahuway, sobra sa trabaho kag wala sang tulog.
Wala man sang nangin sabat ang ahensya sini nga Gold Icon Agency nga nakabase sa Metro Manila.
Sa karun yara na ini sa Koronadal kag kaupod na ang iya nga pamilya.
