KORONADAL CITY – Nagpahayag sang suporta ang pamunuan sang Moro Islamic Liberation Front (MILF) sa ginahimo nga tikang sang gobyerno agud nga mapadali ang rehabilitation efforts sa Marawi matapos ang pagkomemorar sa una nga tuig nga anibersaryo sang Marawi siege kahapon.
Sa eksklusibo nga interbyu sang Bombo Radyo Koronadal kay Ghadzali Jaafar, Vice Chairman for Political Affairs ng MILF, indi mahapos ang pag-rehabilitate sa Marawi nga nawasak sang natabo nga giyera sa tunga sang mga suldado kag Maute-ISIS group rason nga dapat hangpona ang gobyerno.
Suno kay Jaafar, nakita niya ang ginahimo nga tikang sang gobyerno apang kinahanglan sang suporta sang gobyerno.
Samtanga, yara na sa pangulo sang pungsod ang desisyon kun luyag pa sini nga pabakuron ang Martial law sa Mindanao matapos ang panawagan nga kakason ini.
