KORONADAL CITY – Indi sa gihapon malipatan sang mga survivors sang Marawi siege ang ila mapait nga eksperiensiya sa kamot sang Maute-ISIS isa ka tuig na ang nakaligad.
Suno sa mga survivors nga taga-siyudad sang Koronadal, nagapasalamat sila sa Mahal nga Makaako nga nahatagan pa sila sang tsansa nga mabuhi matapos ang giyera sa Marawi kag makaupod ang tagsa nila ka pamilya.
Apisar nga isa ka tuig na ang nakaligad daw kasubonga nga kahapon lamang ang hitabo bangud kun kaisa nagabalik pa sa ila nga huna-huna ang mabaskog nga lupok kag magarot nga siyudad nga ginsakop sang mga terorista.
Kaangot sini, dapat lamang sunoa pa nga pasalamatan ang mga suldado nga nagbuwis sang kabuhi sa kalakasan kag indi dapat kalimtan ang ila ginhimo bilang mga baganihan sang pungsod.
Indi suno pa dapat nga selebrasyon ang himuon subong sa pagdumdom sang ika-isa ka tuig sang Marawi siege kundi dumdumon ang mga nagbuwis sang kabuhi agud nga maluwas ang siyudad sang Marawi gikan sa kalainan.
Madumduman nga masobra 100 ka mga construction worker nga taga-South Cotabato ang kaaupod sa mga na-trap sang kasagsagan sang Marawi siege kag naluwas sa bulig sang mga suldado.
