KORONADAL CITY – Ginpanginbulahan ni South Cotabato 2nd District Representative Ferdinand Hernandez ang pagkapili ni Sen. Koko Pimentel kay Sen. Tito Sotto bilang bag-o nga Senate President.
Sa interbyu sang Bombo Radyo Koronadal kay Cong. Hernandez, pag-abot sa ihibalo kag eksperyensiya sa Senado, wala suno pa sang kwestyon ang kwalipikasyon ni Sotto sa nasambit nga pwesto.
Napamatudan na sa madugay nga tion ang maayo nga pagdala kag pagdesisyon ni Sotto bangud para sa iya, indi sila basta-basta magpili sang sin-oman nga wala sang amy mabulig sa Senado.
Excited suno pa ang mga kaupod sini nga mga senador bangud may mga ma-prioritize na sila nga mga hagna para sa ikaayo sang pungsod kag political stability.
Mensahe naman sini kay Sen. Pimentel nga nahimo sini sang maayo ang iya trabaho kag napabilin ang iya performance sang siya pa ang nagpamuno bilang Senate president.
Samtang, ginpasiguro naman sini nga ginapa-fasttrack na nila ang Bangsamoro Basic Law kag ang federal state of government.
