KORONADAL CITY – Isa ang patay samtang nagalab-ot naman sa kapin tunga nga milyon sang balor sang droga ang nakumpiska sang mga otoridad sa ginakabig nga bigtime suplier sa siyudad sang Tacurong sa ginpatigayon nga asud-asod nga drug buy-bust operation.
Ginkilala ni PSupt. Joefel Siason, hepe sang Tacurong City PNP ang namatay nga si Reynaldo Millano Villansan Jr, 44, nga residente sang Purok 9, Brgy. Poblacion, Tacurong City.
Suno kay Siason, una nga nagpalupok ang suspek rason nga napusilan sang operatiba.
Nakuha sa panimalay sang suspek nga ginakabig nga drug den ang mga droga kag caliber 45 kag 5 nga empty shell nga bala.
Samtang arestado naman ang ginakabig nga bigtime supplier sang droga sa nasambit nga siyudad nga ginkilala nga si Alan Ameril sa isa ka convenience store.
Nakuha sa posisyon sini ang 50 ka gramo sang suspected shabu nga may market vakue nga nagalab-ot sa kapin tunga ka milyon.
Natalana naman nga pasakaan sang nagakaigo nga kaso ang suspek.
