KORONADAL CITY – Natalana na ang pagpauli sa pungsod sang Pinay DH nga ginmaltrato kag wala ginswelduhan sang iya mga employer sa Jeddah, Saudi Arabia.
Ginkilala ini kay Rosalie Tiwan, 34 anyos nga taga-Brgy. Puti, Norala South Cotabato kag nagatrabaho bilang domestic helper sa nasambit nga pungsod.
Suno sa bana sini nga si Jerry Tiwan kaina sang kaagahon sang nag-impormar sa iya si Rosalie nga ginaproseso na sang Agency sini ang iya papeles kag ticket sa pagpauli.
Apang nagpahayag ini sang kalain sang buot sa agency sang iya asawa bangud ang sweldo niya nga 3 ka bulan nga ginhatag sang emplioyer ang wala ginhatag sa baylo amo suno pa ato ang igasto sa pagbakal sang iya ticket papuli sa Pilipinas.
sini, nagpasalamat man si Jerry sa Bombo Radyo Koronadal sa pag-facilitate kag pag-follow up sa sitwasyon ni Rosalie bangud sang Abril 23 pa sila nagfile sang reklamo sa OWWA apang wala gilayon gin-aksiyunan sang agency.
Sa tion suno pa nga makapauli na si Rosalie, pursigido ang iya pamilya nga magfile sang formal complaint batuk sa Agency sini nga Alsafa Prince.
Nahibaluan nga sang Oktubre 2, 2017 nagpadulong sa Jeddah si Rosalie apang makaisa ka bes lang ini ginswelduhan sang iya employer.
