KORONADAL CITY – Nagresulta sa kamatayon sang duha ka drug suspect kag pagkaarestar naman sang isa pa ang ginpatigayon nga serach warrant implementation sang mga orotidad sa 2 ka barangay sa banwa sang Sto. Niño, South Cotabato.
Sa interbyu sang Bombo Radyo Koronadal kay Police Insp. Diogenes Hare, chief of police sang Sto. Niño PNP, naglab-ot sa 32 ka search warrant ang bitbit sang gintingob nga pwersa sang Regional Anti-Drug Enforcement Unit, Regional Mobile Force Batallion kag Sto. Niño PNP sa 5 ka high value target sa Barangay Ambalgan kag Brgy. Poblacion sa nasambit nga banwa.
Ginkilala ang mga napatay nga sanday Edgar Carugda Porras, 48, ex-police nga nag-AWOL sang tuig 1999 kag Henry Sambra Vera, 57, welder nga lunsay residente sang Barangay Poblacion.
Suno kay Hare, nagbato ang mga suspek sa operating team nga nagresulta sa pagkapatay sang mga ini.
Ang anay pulis suno pa ang na-tokhang naman sang mga otoridad.
Nakuha naman sa posisyon sang mga suspek ang mga ginapatihan nga shabu kag mga armas luthang.
Samgtang, arestado naman ang isa ka Rene Billanes Ybañez matapos nga makuhaan sang armas luthang sa puluy-an sini.
Duha ka puluy-an naman ang nag-negatibo sa illegal nga droga kag mga armas.
Sa subong, nagapdayon pa ang inventory sa mga narekober sa puluy-an sang mga suspek.
