KORONADAL CITY- Gin-akusaran sang isa ka botante ang utod sang isa ka nalutos nga aspirante sa pagka barangay kapitan sa Tupi, South Cotabato makaligad suno pa nga kulatahon ang iya umagad kag ang bata sini nga nagabusong.
Sa interbyu sang Bombo Radyo Koronadal kay Ginang Valentina Palate, naakig suno pa si Andrew Guerrero nga utod sang isa ka nagapadalagan nga kapitan sa Brgy. Kablon nga si Wynona Gurrero Sambog bangud wala suno pa ginsuportahan sang ila pamilya ang iya nga utod.
Makaligad nga nagwa ang resulta sang eleksyon kag nalutos ang utod sini nakaangkon sang tensyon sang ginpadulungan ni Guerrero si Jaime Dawang kag ginsumbag ini kag gintampa.
Ginpunggan suno pa sang bata sini nga si Angeline Dawang si Gurrero apang ginsakit man ini pinaagi sa pagkumos sang iya bibig.
Nahibaluan nga ginlutos ni Osting Tilo si Wynona Guerrero Sambog sa pagka barangay kapitan sa Kablon Tupi South Cotabato.
