KORONADAL CITY – Emosyunal nga nagpasalamat si re-elected Brgy. Capt. Rahib Mama ng Brgy. Barangay Lampari, Banga, South Cotabato matapos nga mapierde ang amay sa bag-o lamang natapos nga Barangay kag Sangguniang Kabatan election.
Sa eksklusibo nga interbyu sang Bombo Radyo Koronadal kay Brgy. Chairman Rahib Mama, malipayon siya apang nasubuan man sa pagkapierde sang iya amay.
Suno kay Rahib, nagapsalamat siya kag ginrespeto man sang iya amay nga si Jack Mama ang pagkapierde sini.
Magapabilin naman niya nga idolo ang amay nga amo ang iya mentor sa pulitika apang nangin magkasumpong sila sini nga eleksiyon.
Nahibaluan nga dungan man nga nagboto kahapon ang mag-amay kun diin naghaksanay pa ang mga ini matapos nga magboto.
Ginsaylo man ang inisipay sang boto kagab-i makaligad nga nakaangkon sang tensiyon sa tunga sang ila tagsa-tagsa ka mga supporters.
