KORONADAL CITY – Nagpangibabaw suno pa ang sympathy vote kag napamatud-an sang bata sang ginpatay nga Barangay Chairman sa siyudad sang Koronadal nga mapadayon sini ang ginsuguran sang amay matapos nga lutuson sa bagg-o lamang natapos nga Barangay kag Sangguniang Kabataan (SK) eleksiyon.
Pinakauna nga babaye kag pinakabata nga Barangay Captain elect sang Barangay Topland Koronadal City si Ma. Angelica Bermil, 27, bata ni Ex-Brgy. Chairman Baltazar Bermil nga ginpatay sang riding in tandem sang Agosto 9, 2017.
Ginlutos ni Bermil sanday Barangay Kagawad Ricarido Ayoyon Jr. nga amo ang ginatudlo nga utok sa pagpatay sa iya nga amay kag isa pa ka aspirant candidate sa ila nga barangay.
Nahibaluan nga nangin dikit man ang away nanday Ayoyon kag Bermil sa nasambit nga barangay antes pa man nga naguwa ang final result.
