KORONADAL CITY- Ginbalhin ang counting sang mga balota para sa resulta sang pagkabarangay kapitan sa Brgy. Lampari, Banga, South Cotabato bangud sa tensyon suno pa sa tunga sang mga supportes kag pila ka himata sang mag-amay nga magkasumpong sa nasambit nga posisyon.
Halin sa Barangay Lampari, ginbalhin ini sa Barangay Lambingi sa bulig sang PNP agud malikawan nga mas maglala pa ang anuman nga tensyon bangud sa naga-init na eleksyon.
Kun madumduman, mag-amay ang nagapapili para sa pagka-kapitan kun sa diin si Rahib Mama ang incumbent Barangay Chairman samtang ang amay sini nga si anay kagawad Jack Mama ang nagserbi na sa sulod sang 3 na katermino.
Sa interbyu sang Bombo Radyo Koronadal kay Nida Caños, Municipal Comelec officer sang Banga, ginpahayag sini nga ginhatagan sang bili ang seguridad kag kalinong sa tunga sang mainit nga eleksyon sa Barangay kag SK Elections.
Samtang, una na nga ginpahayag sang COMELEC nga may napagkit na nga election related violence sa Brgy. Lampari sang mga nakaligad nga eleksyon.
