KORONADAL CITY- Ginhingalitan sang 3 ka mga kalalakihan ang kasakuon sang Tampakan PNP sa eleksyon agud ipalusot ang isa ka bag nga may unod nga 3 ka kilo sang marijuana.
Sa impormasyon na nakuha sang Bombo Radyo Koronadal sa Tampakan PNP, ang 3 ka mga kalalakihan ang nabalabagan sa Campo 1 sa Brgy. Danlag Tampakan South Cotabato kun sa diin ginkilala ang mga ini nga sanday Alexis Alcomendres, 22 anyos residente sang Prk Mabini, Kipalbig,Tampakan South Cotabato, Arvin Gullergen Maravilla 22 anyos sang Prk Rizal, Kipalbig, Tampakan South Cotabato kag isa ka Toto Capion Canto 21 anyos sang Sitio Sanlaon Columbio, Sultan Kudarat.
Narekober naman sa ila ang 1 ka backpack nga may unod nga 3 ka kilo nga marijuana kun sa diin gilayon ang mga ini nga ginkustodiya sang Tampakan PNP para sa nagakaigo nga disposisyon.
