KORONADAL CITY- Dyutayan na lang nga wala madayon ang eleksyon sa banwa sang General Salipada K Pendatun sa probinsya sang Maguindanao makaligad nga makaangkon sang tensyon ang isa ka DepEd Supervisor kag Comelec officer sa nasambit nga banwa bangud luyag suno pa sang isa ka DepEd Supervisor nga wala sang clustering sa mga presinto para sa eleksyon sa nasambit nga banwa.
Ini naman ang kabangdanan kun nga-aa nakaangkon sang madugay nga oras nga paghulat bag-o pa man nasuguran ang pagboto makaligad ang paghulat sa desisyon sang COMELEC.
Samtang sa pihak nga bahin, sa banwa naman sang Talitay, Maguindanao wala naman sang manunudlo nga naggtindog bilang Board of Election Inspectors (BEIs) kag sa baylo mga pulis ang nagsirbe nga BEIs makaligad mag-isol ang mga manunudlo bangud sa isyu nga pang seguridad.
Nahibaluan nga ang bug-os nga banwa sang Talitay ang ginpaidalom sa pagdumalahan sang PNP subong nga Barangay kag SK elections.
