KORONADAL CITY – Nagpaandam ang talatapan sang Department of Social Welfare and Development ukon DSWD-12 sa tanan nga mga kandidato sa Barangay kag Sangguniang Kabataan nga indi pag-gamiton ang programa sang gobyerno nga panghadlok sa mga botante sa palaabuton nga eleksiyon.
Ginpahayag sa Bombo Radyo Koronadal ni Labinia Banes-Sarao, Social Officer Worker 2 sang DSWD-12 nga wala sang gahum ang mga barangay officials nga kakason ang pangalan sang mga senior citizen pensioners sa tion nga indi sila magboto sa mga incumbent barangay officials sang ila nga lugar.
Suno kay Sarao, indi dapat nga magpadala ang mga botante subong nga election period sa anuman nga pagpanghadlok sang mga kandidato bangud ang impluwensiya lamang sang mga barangay officials sa programa para sa mga senior citizens ang magarekomendar nga subject for validation naman sang Municipal Social Welfare and Development Office (MSWDO) kag CSWDO naman sa mga siyudad.
Sa tion nga may ma-encounter nga kasubong sini nga problema sa tagsa ka barangay ginaawhag ni Sarao ang mga botante nga magpalapit sa ila nga talatapan agud nga masiguro nga indi sila madala sa pressure ukon paganghadlok sang mga kandidato.
Nag-ugat ang paandam sang DSWD-12 sa grupo ng mga senior cirtizens nga nagreklamo nga suno pa ginapressure sila sang mga kandidato sa ila nga barangay kabaylo sang pagpabilin sa ila nga pension.
