KORONADAL CITY – Iindi apektado ang igapatigayon nga barangay kag sangguniang Kabataan eleksiyon sa banwa sang Tboli, South Cotabato matapos ang natabo nga engkwentro sa tunga sang mga suldado sang 27th IB Philippine Army kag Front 73 sang New Peoples Army nga nagresulta sa pagbakwit sang halos 700 ka mga residente.
Ito ang ginpasiguro ni T’boli Mayor Dibu Tuan sa interbyu sang Bombo Radyo Koronadal.
Suno kay Tuan, nagapadayon ang clearing operation sa Sitio El Lubog, Lemsineneg kag Blangas sang Barangay Kematu kun diin nagbalik naman ang pila ka mga residente matapos nga mapaidalom sa stress de briefing kahapon.
Magluwas sini, ginapsiguro man ni Tuan nga wala sang may matabo nga over spill bangud padayon ang monitoring sang mga suldado kag kapulisan sa lugar.
Sa pagkamatuod, may air assets man sang AFP nga nagabulig sa paglagas sa mga rebelde.
