KORONADAL CITY – Duha ka banwa sa probinsiya ng South Cotabato ang apektado sa subong sang landslide kag flash flood matapos ang pagbubo sang mabaskog nga ulan.
Mabudlay sa subong ang aldgyan sang mga residente sang Barangay Tablu banwa sang Tampakan, South Cotabato matapos nga natiphag ang duta tuga sang tubig baha.
Ini ang ginkumpirmar ni Tampakan Municipal Disaster Risk Reduction and Management Office Liason Officer Stela Pascua.
Suno kay Pascua guba tubtob sa subong ang provincial road sa Sitio Kolondatal , Brgy.Tablu kun diin motorsiklo lamang ang mahimo nga makaagi raspon nga apektado ang pagpanaog sang mga produkto sang mga residente sa lugar.
Samtang, padayon naman ang monitoring sa subong sang halos 20 pamilya nga apektado sang baha sa Brgy. Katipunan sa banwa sang Sto. Niño South Cotabato bangud sa mabaskog nga ulan.
Ginpahayag ni MDRRMO Dennis Alejo Fale sang Sto. Niño nga duha ka purok ang apektado sang pag-awas sang tubig.
Gilayon naman nga nakig-angot sa Provincial Disaster Risk Reduction and Management Office sang South Cotabato agud nga mahibaluan ang masunod nga tikang angot sa nasambit nga insidente.
