KORONADAL CITY- Madinalag-on ang ginpatigayon nga drug buy-bust operation sang Philippine Drug Enforcement Agency (PDEA-12) kag sang Koronadal City PNP sa National Highway, Brgy. Zone IV Koronadal City.
Nahibaluan nga ang target sang nasambit nga operasyon amuh si Ian Baysa Delarmente nga ginakabig nga isa ka HVT, 30 anyos, single kag isa ka utility worker kag residente sang Prk 19 Bayanihan, Brgy. Fatima General Santos City kun sa diin naaktuhan ini nga nagabaligya sang shabu sa isa ka undercover nga nagapakuno-kuno nga magabakal sang iligal nga droga samtang ang kaupod naman sini nga si Alias “Bords” ang nakapalagyo sa operasyon.
Narekober sa operasyon ang 1 heat sealed transparent plastic sachet nga may unod nga shabu kag may kabug-aton nga 50 grams kag may estimated street value nga P340,000.00 samtang ang yara naman sa 5 grams ngashabu nga may estimated street value nga P34,000.00 ang narekober man kaupod ang mga drug paraphernalia.
Ang mga kaso nga paglapas sa Section 5, 11 at 12, sang Article II sang RA 9165 o “The Comprehensive Dangerous Drugs Act of 2002” ang paga-atubangon sang nasambit nga suspek.
