KORONADAL CITY- Nagapadayon sa gihapon ang paglagas sang militar sa masobra 30 ka mga myembro sang rebelde nga Bangsamoro Islamic Freedom Fighters nga nagpatigayon sang harassmengt sa detachment sang 57th Infantry Battalion Philippine Army sa Brgy. Pagatin, Datu Salibo Maguindanao.
Nahibaluan nga makaligad ang harassment, ginsundan man ini sang engkwentro sa tunga sang militar kag rebelde nga grupo kun sa diin gilayon nga gin-alerto ang bilog nga tropa kag pila pa ka detachment nga target sang BIFF.
Sa nasambit nga kinagamo, patay ang isa ka katapo sang 57th IB nga ginkilala nga sanday PVT Richie John Nautan samtang pilason naman sanday SSG Ronald Tabunan sang 57th IB kag SGT Dennis Castillano sang 23rd Mechanized Company.
Gilayon naman nga gindangat sa Midsayap Community Hospital ang mga casualties sa bahin sang militar samtang nagapadayon naman ang Hot Pursuit Operation batuk sa mga rebelde.
