KORONADAL CITY- Nakahanda nga magbakwit ang yara sa 18 ka mga pamilya nga apektado sang pag-awas sang tubig sa Brgy. Katipunan sa banwa sang Sto. Niño South Cotabato bangud sa mabaskog nga pagbubo sang ulan.
Sa ginpalab-ot nga impormasyon ni Municipal Disaster Risk Reduction and Management Officer Dennis Alejo Fale sang Sto. Niño, 2 ka mga purok ang apektado sang pag-awas sang tubig nga ginakabug-usan sang Prk. Mainuswagon nga may yara sang 10 ka pamilyang nga apektado kag Prk Malipayon nga may 8 ka ma pamilya ang apektado.
Samtang gilayon naman sila nga nakig coordinate sa Provincial Disaster Risk Reduction and Management Office sang South Cotabato agud mahibaluan ang magasunod nga tikang para sa nasambit nga insidente.
Ginakabalak-an naman sa karun ang pagsulod na sang mga tubig sa mga puluy-an kag ang pagkaguba sang mga pananom nga hugot nga ginatutukan.
Sa karon ginahibalo pa ang damyos nga gintuga sang pag-awas sang tubig halin sa canal, suba kag iban pa sa nasambit nga banwa.
