KORONADAL CITY – Naglab-ot sa kabug-usan nga halos 300 ka mga kandidato sa Barangay kag SK elections ang nagpaidalum sa Drug test challenge nga gin-awhag ni Koronadal City Local Government Operations Officer Juanito Agullana.
Ini ang ginkumapirmar sa Bombo Radyo Koronadal kay CLGOO Agullana.
Suno kay Agullana, ang nasambit nga drug test challenge ang wala sang legal basis halin sa DILG ukon PNP agud magpaidalum ang mga aspirante sa Brgy kag SK elections sa Koronadal.
Apang ila ini nahuna-hunaan nga magpanghangkat agud mahibaluan sang mga pumuluyo sa syudad kun matuod nga ang mga nagapapili subong nga May 14, 2018 elections ang matuod gid nga kaupod sa gyera batuk sa iligal nga droga.
Samtang ang nasambit nga Drug Test Challenge ang gin-shoulder mismo sang City Government samtang may pila naman sa mga nagpaidalum sa hangkat ang nagpaidalum sang Drug test sa pribado nga drug testing center.
