KORONADAL CITY- Nagapadayon ang imbestigasyon sa nagluntad nga pagpang-ambush sa Datu Odin Sinsuat sa probinsya sang Maguindanao nga nagresulta sa kamatayon sang isa ka nurse kag pagkapilas sang 4 ka iban pa lakip na ang 2 ka mga konsehal.
Suno sa impormasyo, ginpahayag ni Captain Arvin Encinas , tagpamaba sang 6th Infantry Division, ang napatay ang ginkilala nga si Betchie Yap isa ka registered nurse kag myembro sang Autonomous Region in Muslim Mindanao – Humanitarian Emergency Action Response Team.
Sa nasambit nga ambush, pilason naman ang driver nga si Crispin Beling, bodyguard nga si Jonathan Layson, kag ang mga konsehal nga sanday Beatrice Yap kag Raymundo Kinlat sang South Upi Maguindanao kun sa diin gilayon ang mga ini nga gindangat sa balay bululngan kag padayon nga gina obserbahan.
Ang mga biktima ang ginasiling nga sakay suno pa sang isa ka maroon Mitsubishi Lancer nga may plate no. nga (LCJ-624) sang sila ang ginluthang sang isa ka armado nga lalaki usar ang cal.45 na pistol.
Ginalantaw naman nga anggulo sa pagpang-atake amuh ang isyu sa pulitika.
