KORONADAL CITY- Nagresulta sa rambol kag sakitanay ang tensyon sa tunga sang mga aspirante sa pagka SK officials sa Brgy. Zone 3 syudad sang Koronadal.
Madumduman nga nagpadulong sa waragwagan sang Bombo Radyo koronadal ang kampo ni Neon True Beldia, nagapapili nga SK Chairman sa Barangay Zone 3, Koronadal City agud nga ireklamo suno pa ang gina alegar nga mauling incident ukon gina alegar nga pagpangulata sa iya lakip man ang 2 sini ka SK Kagawad nga sanday Austin Joy Bonilla kag Patrick John Cataluña sang kampo sang kasumpong sini sa pagkaSK Chairman nga si Clarisse Mae Sorongon.
Sa panaysayon ni Beldia nagluntad suno pa ang pagpangulata bangud gina alegar nga ginpasibangdan sang Kampo ni Sorongon ang kamponi Beldia nga nagapangkakas sang mga posters sini sa ila nga barangay, butang nga ginpanginwala sang kampo ni Beldia.
Gin-insister sini nga matawhay kag maayo suno pa ang tinutuyo sang pagpadulong ni Beldia, Bonilla kag Cataluña agud hisgutan ang issue kaupod si Sorongon apang sa wala ginalauman nagluntad ang komosyon.
Naglab-ot suno pa sa 6 katao kaupod na ang amay kag utod ni Sorongon sa alegasyon nga pagpangulata.
Kaangot sini bukas naman ang waragwagan sang Bombo Radyo Koronadal sa bahin nanday Sorongon agud maklaruhan kun ano ang kamatuuran sa nasambit nga issue.
